وقال محمد أبو تريكة، في تصريحات تلفزيونية عبر فضائية «بي إن سبورتس»: «هو ده قدر النجوم، انك تبقى موجود هتتحمل كل حاجة قبل المدرب، عشان كدة محمد صلاح، وجوده حامي آرني سلوت»
وأضاف: «النقد في الأزمات بيروح للنجوم، صلاح تعرض لنقد كبير وجزء كبير من النقد من الصحافة وجماهير ليفربول، بيقولوا هو المشكلة، بقى ده هو المشكلة! ده اللي جابلكم الدوري الموسم الماضي لواحده دوري محمد صلاح».
وتابع: «بعد الصفقات الجديدة محمد صلاح، مش هيشيل كل حاجة اللي معاه يساعدوه»
وتابع: «اللي بيعمله محمد صلاح، مع ليفربول عظمة، ده وجوده في الدوري الإنجليزي عظمة، لما يبقى في هبوط في المستوى والأداء ككل يلام النجم الأول، أنا مش هلوم سلوت، إنت الأسم الأكبر في الدوري الإنجليزي، ده مصيرك كنجم».
وواصل: «تشعر إن محمد صلاح، كان متفاجئ نوعًا ما من الهجوم، أنا عايزه يكبر دماغه من النقد، عايزه يبقى سليم لحد كأس الأمم الأفريقية ده مهم لمنتخب مصر، محمد صلاح، مش محتاج يثبت حاجة لحد، الأساطير في الدوري الإنجليزي وفي الفرق التانية بتنتقده، ده دوره الفريق في حال هبوط في المستوى لازم يحول الأداء السيء ده لأداء كبير ومميز، ده قدر النجوم».
وأتم: «محمد صلاح، لازم يستمتع هو مش مستمتع، لما يبقى مستمتع تشوفه منه أحلى لعب»