الخطيب وكلمات للتاريخ ورسائل ناريه للاعلام واتحاد الكره|بيراميدز يتلقى الصدمه|الهستيري
#الاهلي #قناة_الاهلي #الخطيب #الزمالك #بيراميدز #خطاب_الخطيب #كلمة_الخطيب #محمود_الخطيب #موسيماني #الهيستيري #ملعب_الهستيري #الهستيري
بعض تصريحات الكابتن محمود الخطيب اليوم
كلمة الكابتن محمود الخطيب رئيس النادي الأهلي لتوضيح كافة الأمور
محمود الخطيب : قررنا إننا يكون في راحة للاعيبة اللي كانت بتلعب 3 مواسم وراء بعض .. والدفع باللاعيبة الصغيرين واللي راجعين من إصابة واللي مخدوش فرصة .. إحنا دلوقتي بنعد للموسم الجديد عشان نرجع بدوافع تانية
محمود الخطيب :اللاعيبة زعلانة على زعل الناس بس منهكين واستهلكوا وبيحاولوا يبذلوا أقصى جهد عشان يوفقوا .. هما مش قادرين وعشان هما مش قادرين بيصابوا .. وكمان مفيش توفيق سواء بقصد أو من غير قصد .. ممكن يكون حصل تشبع واحنا بشر وشيء طبيعي .. بس أنا مش بخليهم من المسئولية
محمود الخطيب : بيتسو موسيماني حقق حاجات كويسة جدا.. مين اللي عمل الحملة اللي عليه؟ موسيماني كان في المغرب في حاجة تبع الفيفا .. كلمناه لما رجع قولناله ايه الدعم اللي أنت عايزه؟ موسيماني قالنا مفاجأة إنه صحياً ونفسياً مش قادر يكمل وقولناله فكر لأننا محتاجينك بس اعتذر
محمود الخطيب : من العوامل اللي بتحبط الفريق، التحكيم من السنة اللي فاتت .. علامة استفهام كبيرة وتحت ألف خط .. ادوا الناس حقها ويكون في عدل .. وبقى واضح للكل إن في أخطاء تحكيمية فجة كلها ضد الأهلي ومجاملات لاتجاهات أخرى
محمود الخطيب : هل بيتم عقاب الأهلي لأنه بطل وبيشارك في بطولات عالمية؟
محمود الخطيب : حللنا آخر 3 مواسم من فترة وتوقعنا هبوط للمستوى .. 3 مواسم متلاحمة من غير راحة .. لاعيبة الأهلي أكتر لاعيبة لعبت ماتشات .. وعدد السفر .. تم استنزاف اللاعيبة دي بالإضافة إلى ضغط الماتشات المحلية تسببت في إصابات كبيرة وكتيرة جداً
محمود الخطيب : جمهور الأهلي بيلوم اللاعيبة من حب ودعم الجمهور ليهم لأنهم شايفين إنهم أحسن بكتير .. بس عايزين نفتكر إن نفس اللاعيبة دي من 3 شهور في نهائي أفريقيا ومن 4 شهور خدوا برونزية كأس العالم للأندية
محمود الخطيب : البطولة الأفريقية الأخيرة ضاعت للأسف بمساعدة ناس من مصر
محمود الخطيب : واجبنا إننا نعترف بأي تقصير وهناك تقصير ونبادر بالاصلاح مش عيب يحصل غلط لكن العيب إننا منشوفش الغلط
محمود الخطيب : في وقت الفرح اللي هي كتير بتفرحوا بينا بزيادة ووقت الاخفاق لازم احنا نتحمل اللوم والانتقاد
محمود الخطيب : في زعل الناس حاسس بدعمهم الغير مسبوق وده بيحملنا مسئولية أكبر
محمود الخطيب رئيس النادي الأهلي : من ثوابت النادي عدم الظهور الإعلامي الكتير .. لكن المرة دي كان لازم نطلع نتكلم مع حضراتكم لتوضيح بعض الأمور بعد الإخفاق الأخير اللي بيحدث لأنكم الداعم الأول والرئيسي لمنظومة النادي الأهلي
محمود الخطيب : النادي الأهلي مش سليط اللسان ولا سباب ولا بذئ .. الأهلي أكبر من كده بكتير .. الأهلي صوته عال في الحق
محمود الخطيب : لازم المجلس الأعلى للإعلام يكون له دور أقوى من كده .. ميجيش على رد الفعل ويسيب الفعل
محمود الخطيب : التجاوزات في حق النادي والتقليل من بطولاته وتاريخه في الإعلام وقت الإخفاق .. هل ده مخطط ؟ بنرى بوضوح إن في تربص واستهداف .. فين المجلس الأعلى لتنظيم الإعلام؟ اشتكينا قبل كده وناس بتجرح كل يوم وأحنا ردينا مرة عملت تحقيق مع الاتنين .. بس محدش بيعمل حاجة
محمود الخطيب : الأهلي مادة دسمة جداً للإعلام غير أي نادي تاني .. اللي عايز يقوم برنامجه يتكلم عن الأهلي بس بشكل تاني للهدم والإساءة .. والملاحظ إن في تجريح فج وبشكل يومي ومحدش بيحاسب حد
محمود الخطيب : الأهلي بيحترم الإعلام ودوره وفي إعلام هدفه الإصلاح مش الهدم .. اتعلمنا إن الكلمة أمانة وحمل الأمانة شرف ومسئولية بس في صورة واضحة لغالبية الإعلام الرياضي في قنوات وإعلاميين انتمائهم طغى على مهنيتهم وده أمر خطر جداً
محمود الخطيب : لو في حد بيتحالف ضد الأهلي جمهور الأهلي هو هيكون الداعم الأول والحصن والأمان والشريك الأساسي لانتصارات الأهلي .. وهتكونوا انتوا الظهر والسند وقف الاخفاقات اللي هي قليلة .. الوقت ده محتاج تكاتف كل عناصر نادينا وعلينا احنا كمان نشتغل ونشتغل ونشتغل
شارك برأيك في التعليقات، ولو عجبك الفيديو ماتنساش اللايك والشير .. شكرا لمتابعتكم
كما يمكنكم الإشتراك بقناة اليوتيوب ليصلكم كل ما هو جديد
facebook page
http://bit.ly/2rPUOXe
facebook account
http://bit.ly/2DGFK0P
instagram
http://www.bit.ly/33KE7tm
عشان يوصلك كل جديد دوس علي اللينك دة
http://bit.ly/2qlOK8u
#الهستيري
#Elhistery
االمصدر – الهستيري