وكتب الدماطي عبر حسابه الرسمي على فيس بوك:”حتكلم في البوست دا بصفتي مشجع أهلاوي قبل ما ابقي عضو مجلس إدارة، و عارف حجم الأبواب اللي حتتفتح عليا، بس أنا مش بعرف استخبي”.
وتابع:”مهما كان درجة عدم رضاك عن الإدارة أو الفريق أو اي شيء دا مش مبرر أبدا لضعف الحضور الجماهيري في مباريات حاسمة في الدوري ، لو هي ظاهرة عامة ممكن أقول فقدان شغف، أو مشاكل مع الجمهور ، لكن لما يبقي الحضور كامل العدد في ماتشات أفريقيا و عدد قليل جدًا في مباريات الدوري يبقي إيه السبب”.
وأضاف:”هل بنوصل رسالة للاعبين أن الدوري مش مهم ، مفيش أي مبرر منطقي للتفاوت دا، و مش حندفن راسنا في الرمل و نعمل مش واخدين بالنا، كل البطولات مهمة، و التواجد الجماهيري دا لوحدة بيحسن الأداء ، أنا على مدار عمري كنت أكتر فترة لازم ابقي موجود فيها في المدرج و الفريق محتاجني عشان يكسب”.
وواصل:”نقفل على نفسنا شهرين بس، نركز مع حاجة واحدة اننا نزق فرقتنا لقدام لحد آخر الموسم ، نشجع و نروح الاستاد ، و نسيب اي انتقادات على جنب دلوقتي عشان مش مهم الأشخاص، محدش حيفتكر حاجة غير البطولات في الأخر، المهم الأهلي ، الأهلي و بس ، ياريت الناس المؤثرة تتبني الاتجاة دا، كل حاجة لسة في ايدينا، و ان شاء الله ربنا حيكرمنا في الأخر”.
وفي سياق متصل يستعد الفريق الكروي بالنادي الأهلي لمواجهة نظيره زد إف سي مساء غد السبت في تمام الساعة التاسعة والنصف، ضمن الجولة العشرين من الدوري المصري حيث يسعي الأهلي لتحقيق الفوز من أجل استعادة صدارة الدوري قبل نهاية المرحلة الأولي من البطولة.