تحدث الإعلامي أحمد شوبير، حارس مرمى الأهلي السابق، عن ملفين بارزين في الكرة المصرية، مشيرً إلى تأخر النادي الأحمر في حسم مستقبل اثنين من لاعبيه، إلى جانب أزمة المستحقات المالية على الزمالك، والتي تهدد حصوله على الرخصة الإفريقية.
وقال شوبير، اليوم الأحد، عبر برنامجه على إذاعة “أون سبورت”: “يوم 20 مايو هيبقى حسين الشحات وكوكا أحرار، يعنى بعد 3 أيام فقط. يوم الأربعاء المقبل لو لم يتم التجديد لهما هما أحرار، من حقهم التوقيع لأى نادٍ، والحقيقة متأخر جدا ملف التجديد لهم”.
اقرأ أيضًا
الصفقة تمت.. التفاصيل الكاملة لعودة مورينيو إلى ريال مدريد
مورينيو يعترف لأول مرة: أتفاوض مع ريال مدريد
وفيما يخص ملف الرخصة الإفريقية للزمالك، قال شوبير: “النادي مطالب قبل 31 مايو بتسوية 14 قضية في الفيفا.. الزمالك كان بيأمل ياخد الـ 4 ملايين دولار بتوع بطل الكونفدرالية عشان يحل الأزمة اللي هو فيها، طيب هل أنت يا زمالك عندك خطة بديلة؟ هل مثلا رجال أعمال هيدفعوا؟!”.
وأردف حارس مرمى الفراعنة السابق: “اللي أعرفه، مفيش حد بيدفع فلوس غير الأستاذ ممدوح عباس، دي المعلومة اللي أنا أعرفها.. لازم الفترة دي تدوس وتقرص وتحاول وتشوف فلوس، طيب هل هتبيع نجوم تاني؟”.
واستطرد: “أنت لما بعت دونجا وناصر ماهر جابوا لك فلوس، إيه الحلول اللي عندك؟.. البعض قال الزمالك عنده اتصالات وهياخد مهلة لتأجيل السداد، طيب هتأجل شهر وبعدها مين هيدفع برضه؟.. حد يدينا إجابة عشان ده المهم حاليا لكل محبي وجماهير الزمالك”.