فتح الإعلامي أحمد شوبير، النار، على عبدالناصر
محمد، مدير الكرة بنادي الزمالك، بعد حديث الأخير عن أن المنظومة الكروية ضد
القلعة البيضاء.
وقال شوبير عبر إذاعة “أون سبورت إف
إم”: “كابتن عبدالناصر محمد، مدير الكرة في نادي الزمالك، قال إن
اللاعيبة مش بتاخد فلوس، وقال أنا راجل شبعان ومش بعترض على الحكام مثل الآخرين،
اللاعبون لن يحصلوا على مستحقاتهم، والمنظومة كلها ضدنا، يكفي سحب أرض النادي من
أكتوبر”.
وأضاف: “متتكلمش فيه يا كابتن، الموضوع في
النيابة مش دورك تتكلم في هذا الأمر، سيب مجلس الإدارة يحل المشكلة بطريقته، أرجوك
متتكلمش على الأرض”.
وأكمل: “وإيه علاقة إن اللاعيبة مش بتاخد
فلوسها بإن المنظومة ضدك، احنا كل يوم بنلطم على وشنا عشان قبل ما تنام يجيلك
يقولك إيقاف قيد للنادي، هل الاتحاد الدولي لكرة القدم برضو ضدك؟!، أعرف يا كابتن
مشاكلك إيه وحلها”.