وقال أحمد شوبير: «عشان الناس اللى عمالة تهبد وتقول الدولة ضد الزمالك والدولة مش عارف إيه وعمالة تهرى نقول لكم يا جماعة مفيش حاجة اسمها كده، وكل حاجة بيتم حلها فى وقتها والكلام ده قاله وزير الرياضة السابق ووزير الرياضة الحالى ورئيس الوزراء ووزير الإسكان ورئيس لجنة الرياضة فى مجلس النواب ولكن لا من مجيب».
وأوضح شوبير: «الدولة حاولت تعمل حاجة كويسة لنادى الزمالك وبالفعل ساعدت وجهود كل هؤلاء وصلت الزمالك إنه ياخد أرض جديدة فى مكان أحسن وده وفقا لتصريحات مسؤولى الزمالك نفسهم».
ووجه شوبير رسالة لمسؤولى الزمالك مضيفاً: «فيا جمهور الزمالك العزيز بلاش قصة نادى الدولة، طيب أهو توجيهات رئيس الجمهورية نفسه ومجلس النواب رأسا ووزير الرياضة رأسا بيطلع بيان يا جماعة مش كفاية بقى الناس اللى قعدت تهبد من ساعة قصة الأرض ما اتسحبت ركز بقه عندك أرض وعندك مشروع ركز إنك تخلصه هل ممكن واحد بس يطلع يعتذر عن كل اللى كتبه قبل كده، لأ طبعا لإن إحنا بنحب نستعجل فى التصريحات والهبد وفى الاخر لما نبقى غلط ما يقوللكش أنا غلطان».
واختتم شوبير: «مبروك للزمالك عودة الأرض والكورة الآن فى ملعبك عندكوا مستثمرين يلا الحقوا اشتغلوا وابنوا وعمروا وخلصوا مشاكلكم عشان محدش يرجع يقول قصة دولة بتحابى نادى على حساب نادي».