يسعى النادي
الأهلي للتعاقد مع رأس حربة مميزة في فترة الانتقالات الشتوية المقبلة من أجل حل
مشكلة المهاجم الصريح التي يعاني منها الفريق بقوة منذ بداية الموسم الجاري عقب
رحيل الفلسطيني وسام أبوعلي إلى الدوري الأمريكي.
وقال الإعلامي
أحمد شوبير حارس مرمى الأهلي ومنتخب مصر السابق في تصريحات إذاعية اليوم الإثنين:
“بالنسبة اللاعبين في مركز رأس الحربة في الأهلي، الكلام على مهاجم أجنبي
ييجي بس هل ده هيكون على حساب جراديشار لا أعتقد أن الأهلي بيفكر إن جراديشار يمشي
هتبقى غلطة كبيرة جدا من وجهة “.
وتابع شوبير:
“لكن الكلام على أسامة فيصل موجود أيضًا بس مش بقوة، يعني عين في الجنة وعين
في النار بس ده المهاجم الوحيد في مصر اللي الكلام عليه، وحاليا فيه شريف
وجراديشار بالفريق، وسألت على الراجل بتاع السويد (المقصود دياباتيه) مبتخدش
معلومة مؤكدة فعرفت إن الاسم موجود بين مسؤولي المفاوضات في الأهلي”.
وأضاف شوبير:
“بالنسبة للاسكتلندي روبي يور مهاجم سيريوس السويدي، وكيل اللاعب نفى وجود
مفاوضات فعلية وقال لم نتفق على أي شيء رسمي، وقال لم أسمع عن أي اهتمام لكن فيه
فرصة إن اللاعب يرحل في يناير لو حصل على فرصة جيدة وقال الانتقال للاهلي مطروح لو
الظروف مناسبة والظروف دي هى الفلوس طبعا”.