تحدث الإعلامي أحمد شوبير عن موعد جاهزية إمام عاشور لاعب الفريق الأول لكرة القدم بالنادي الأهلي، وعودته للتدريبات الجماعية للفريق.
وقال شوبير في تصريحات إذاعية: الأهلي بدأ يتكلم مع إمام عاشور، واللاعب هيتجنن عشان يرجع في أقرب وقت للتدريبات والمشاركة.
وتابع: التحليل فيها تطور الحمدلله، وكل يوم إنزيمات الكبد بتقل، إمام حاسس أنه كويس وسليم لكن في تحليل هيتعمل يوم الخميس ودا هيبين موعد عودته التدريبات.
وواصل: إمام عايز يلحق ماتشات الدوري وماتش السوبر اللي في الإمارات والمفروض دا يكون أول الشهر، وضاغط بشكل كبير على الجهاز الطبي لكن هو قالوله التحاليل اللي هتحسم، المدرب معجب بإمام وشاف فيديوهات وتسجيلات له وقال أنا محتاجه في الملعب، لكن مستنيين التحاليل”.