وضع أحمد حسام ميدو، نجم الزمالك الأسبق، 5 شروط لفوز الفريق الأبيض بلقب الدوري المصري الممتاز، خلال الموسم الجاري.
وخسر الزمالك أمس أمام إنبي، بهدف نظيف، في لقاء مؤجل من الجولة 15 للمسابقة، لكنه أنهى الدور الأول متصدرا للترتيب برصيد 43 نقطة، متقدما بفارق الأهداف عن بيراميدز الوصيف، و3 نقاط عن الأهلي الثالث.
وقال ميدو، عبر حسابه على “إكس”: “مباراة للنسيان للزمالك، لم نبدأ بأفضل تشكيل، وكان يجب الصبر على محمد السيد إلى ما بين الشوطين ونزول أدم كايد بدلا منه في الوقت اللي إنبي لعب بكثافة دفاعية كنا محتاجين لاعيبة تعرف تستلم الكورة بين الخطوط وتعمل مشاكل لدفاع إنبي”.
وتابع: “نزول عدي الدباغ فصل الثلاثي الهجومي عن وسط الملعب فبقت مهمة حمزة الجمل اللي عمل ماتش كبير سهلة جدا وهي قفل الأجناب على الزمالك لقتل خطورته”.
وواصل ميدو: “مهما كنت مين ولو أكبر فرقة في العالم في أيام بتبقى مش بتاعتك، ضربة جزاء في توقيت صعب والمهدي راح مع الكورة لو يومك هيصدها ويجيلك ضربة جزاء تطلع على الأقل بنقطة أحسن لاعب بيشوط ضربات جزاء في مصر يضيعها.. لازم نقفل الصفحة ونلعب ٦ ماتشات كلها ماتشات كؤوس لازم يبقى في هدوء أكثر وتعرف إن الفترة الجاية كل منظومة الكورة في مصر هتصدرلك كل المشاكل اللي ممكن يصدروهالك”.
وأكمل: “اقفل ودنك لازم تعرف إزاي تتعامل مع الخسارة لأنها جزء من اللعبة خسرنا وممكن نخسر ثاني، علشان كده بطل الدوري لازم يكون نفسه طويل وبيعرف يتعامل مع الأزمات”.
وختم أحمد حسام: “عايز يبقى عندك فرصة للفوز بالدوري أولاً: عدم قبول فكرة القرعة بالذكاء الاصطناعي لأنها كذبة كبيرة، ثانيا: حكام أجانب للست مباريات القادمة، ثالثا: الجمهور ما يطلعش ولا كلمة غلط (هتتمنع من مباراة جمهورك)، رابعا: قرار بمنع أعضاء مجلس إدارة النادي من الظهور إعلاميا حتى نهاية الدوري، خامسا: توزيع مكافآت الفوز بعدالة وشفافية بين اللاعبين”.