نجم الأهلي السابق: مستاء من إمام عاشور.. وقلقان منه

أكد محمد يوسف مدرب الأهلي السابق، استيائه من إمام عاشور لاعب ميتلاند الدنماركي سابقا والفريق الأحمر حاليًا، مشيرًا إلى أنه قلق بسبب عودته المبكرة من الاحتراف في أوروبا.

نجم الأهلي السابق: مستاء من إمام عاشور بسبب عودته من الاحتراف.. وقلق على مسيرته مع الفريق

وقال محمد يوسف في تصريحات تلفزيونية: «مستاء قليلا من إمام عاشور، بسبب عدم استكمال رحلة احترافه، انت جاتلك فرصة تحترف، ليه مكملتش؟».

وأضاف: «عدم استكمال إمام عاشور لاحترافه بيخليني أقلق على مسيرة إمام مع الأهلي، دلوقتي أي لاعب صغير بيبقى حلمه الاحتراف، يبقى ليه يا إمام متكملش؟».

محمد يوسف ينصح إمام عاشور: لازم تاخد بالك من أفعالك في الأهلي

وواصل: «إمام عاشور لاعب جيد جدا، ولاعب مختلف مش موجود في الأهلي، وممكن يلعب ظهير أيمن، لكن هل إمام عاشور هيكون قادر على السير بنظام الأهلي؟، وفي ناس معرفتش تمشي على نظام الأهلي».

وأتم: «ميزة الأهلي توفير مناخ العمل في أفضل جو، ولو مدخلتش في المناخ ده، يبقى العيب منك أنت، في ناس دخلت الأهلي لكن مكانتش عارفة تمشي على نظامه، لازم تاخد بالك من أفعالك، والأماكن اللي بتروحها، لازم تاخد بالك من حياتك».