هاجم محمد عبد الله، نجم الكرة المصرية السابق، مانويل جوزيه، المدير الفني الأسبق للنادي الأهلي.
وقال محمد عبد الله في تصريحات عبر قناة “Modern mti”: “الناس اللي متخيله إنه جوزيه كان علّامة، وإنه مدرب محصلش، لا طبعا، النادي الأهلي هو اللي بيعمل المدربين واللاعيبة وبيعلي من أسهمهم”.
أضاف: “لا مكنش أسطورة في التدريب ولا الكفاءة الفنية اللي تليق باسم الأهلي، وكان في مدربين ممكن تيجي أعلى منه، وظروفه هي اللي خدمته”.
وتابع: “أنا شايفه مدرب عادي، مش أسطورة، وكابتن محسن صالح هو اللي مشوفتش زيه، وكان في الكرة أحسن من جوزيه بمراحل وقده مليون مرة”.
وأتم: “لو أديت الإمكانيات اللي أخدها جوزيه لكابتن محسن صالح كان هيعمل اللي عمله جوزيه 3 آلاف مرة”.