وجه أيمن أشرف، لاعب الأهلي السابق، رسالة لـ محمد الشناوي حارس عرين الأحمر، بشأن مستقبله مع الفريق خلال الفترة المقبلة، طالبه منه عدم التفكير في الإعتزال.اضافة اعلان
وقال أيمن أشرف في تصريحات تليفزيونية مع الإعلامي مدحت شلبي: “محمد الشناوي جون كبير وعنده تاريخ كبير جدا في النادي الأهلي، لكن لعيب الكرة بتيجي له فترات وبيبقي ممكن مستواه بيطلع أوقات وبينزل أوقات يعني دا طبيعي في الكرة عمومًت”.
وتابع: “مصطفي شوبير طبعا لما حصل على الفرصة نجح وقدم وأجاد، لكن زي ما الشناوي كان عنده أخطاء قبل كدا برضه مصطفي شوبير عنده أخطاء، فأنا وجهة نظري الشناوي قادر يكمل ويبقي لسا موجود”.
وواصل: “وبعدين لازم يبقي في منافسة ويبقي في النادي منافسة كبيرة كمان والشناوي لازم يكمل لأنه كابتن النادي وهو المسؤول عن غرفة الملابس في النادي الأهلي وتجميع اللعيبة وأنا عشت دا معاه”.
وأتم: “معنديش معلومة منه لكن من وجهة نظري لو بديله نصيحة بقوله كمل متعتزلش وأنت كابتن النادي ودوس يعني”.