وكيل أحمد القندوسي يكشف أزمة وكلاء اللاعبين معه خلال الفترة الماضية

تحدث نصر يحيى وكيل أعمال اللاعب الجزائري أحمد القندوسي لاعب سيراميكا كليوباترا الحالي والمعار من النادي الأهلي عن أزمة وكلاء اللاعبين معه خلال الفترة الآخيرة.

وقال نصر يحيى وكيل أعمال اللاعب الجزائري أحمد قندوسي في تصريحات تلفزيونية: انا وكيل أعمال أحمد القندوسي، ومفيش قانون في الفيفا بيقول أن الوكيل ياخد عمولة 100 ألف دولار من اللاعب في الموسم، وخصوصا ان النسبة الخاصة بـ الوكيل لا تتجاوز 10% من العقد، والقيمة اللي الوكيل عايزها من القندوسي تتخطي 25%.

وأكمل: معانا محامي كبير هايكسب القضية اللي رفعها القندوسي على الوكلاء اللي عايزين منه فلوس، والمحامي معاه نقاط قوة في القصة دي، وطلبت مساندة النادي الأهلي ومحمد رمضان لـ اللاعب.

وأتم تصريحاته قائلا: أحمد القندوسي حتى الأن هو لاعب للنادي الأهلي بالرغم من قرار بيعه، وطلبنا إفادة من الأهلي هل الوكلاء دول حصلوا على عمولة من الأهلي ولا لا.