وأكدت الإذاعة في تقرير لها: «الاتحاد الفلسطيني رافض يسيب وسام أبو علي في معسكر الأهلي للمونديال، زي ما هيحصل مع اللاعبين الدوليين اللي في منتخب مصر في شهر 6 اللي جاي».
وأضافت: «منتخب فلسطين متمسك بحظوظه حتى لو قليلة في حلم الوصول لكأس العالم، وعنده مباراة يوم 5 يونيو مع الكويت، لو فاز فيها تزيد الآمال عنده بشكل أكبر، وتبقى مباراته مع عمان يوم 10 يونيو مصيرية، وده قبل أول لقاء للأهلي في افتتاح المونديال أمام انتر ميامي بـ5 أيام بس».
وأشارت: “إن الاتحاد الفلسطيني عرض توفير طيارة خاصة للاعب من مطار الملكة عليا بالأردن إلى ميامي، عشان يلحق ببعثة الأهلي يوم 11 قبل مباراة إنتر ميامي بـ4 أيام بس، ولسه المفاوضات شغالة بين الطرفين».
وأوضحت: «صحيح وسام أبو علي مستواه متراجع مع الأهلي، وبعيد عن التهديف، بس مش معنى كده أنه هيبقى بعيد عن الحسابات، لأن اللعب في مونديال الأندية هيكون ليه دوافع خاصة، أكيد دلوقتي ملف المدير الفني الأجنبي ليه الأولوية عند إدارة الأهلي، لكن مشكلة وسام لازم يبقى ليها اتفاق نهائي، عشان الامور تكون محسومة من بدري».
وودع الفريق الأول لكرة القدم بالنادي الأهلي بطولة دوري أبطال إفريقيا أمام نادي صن داونز من دور نصف النهائي.
وتعادل الأهلي سلبيا خارج أرضه وودع البطولة عقب التعادل بهدف لمثله أمام صن داونز.
ويلتقي الفريق الأول لكرة القدم بالنادي الأهلي مع نظيره نادي بتروجيت في بطولة الدوري يوم 30 أبريل الجاري.
