وفاز فريق الزمالك على نظيره بيراميدز بركلات الترجيح 5-4 بعد أن انتهى الوقت الأصلي بالتعادل السلبي 0-0، ليضرب الفارس الأبيض موعدًا في النهائي مع غريمه التقليدي الأهلي يوم الأحد المقبل 9 نوفمبر الجاري، عند الساعة الخامسة والنصف مساءً.
وقال خالد الغندور في تصريحات تليفزيونية عبر شاشة «أون سبورت»: «عايز اعتذر لـ عبدالله السعيد بعد ما شوفت مستواه من أرضية الملعب، الراجل نزل الشوط التاني ومش مصدق اللي شوفته قدم مباراة كبيرة».
وأضاف: «كنا بنقول عبدالله السعيد عنده 41 سنة وميقدرش يلعب الماتش كله وممكن ينزل بديل يكون أفضل، لكن اللي شوفته قدام بيراميدز إنه ما شاء الله بيجري أكتر من لاعيبة عندها 25 و26 سنة».
وتابع الغندور: «في لعيبة لازم الناس تاخدهم أمثلة زي عبدالله السعيد، محافظ على نفسه وعايش للكورة والأكل اللي بيخش بوقه محسوب، وبيحرم نفسه من كل حاجة عشان يوصل للي هو عايزه».