وقال حسام حسن في تصريحات إعلامية عبر شاشة “أون سبورت”: “سواء كسبت أو خسرت دي ماتشات ودية، وبيكون فيها تعديلات على التشكيل، ولو في حد مصاب من اللاعيبة بقدر اعتمد عىل غيره”، مشيرا: “اللي الناس مش عارفينه إن الأندية اتأخرت في ضخ لاعيبة جديدة للمنتخب”.
وأضاف: “عاوز الناس تهدى شوية، في دايرة كدة مش كويسة وكنت متعمد ما اتكلمش عليها، ولكن في نفسية وحشة”، موضحا: “لو كان موجود مدرب أجنبي كنا عملنا تمثال ليه، ولكن إحنا مصريين وبنحب بلدنا وبنجتهد ونفكر”.
وتابع: “أنا بحب بلدي وبحب جمهوري، وطبعا استفادنا من التجربتين وعندي ثقة في كل اللي موجود. الناس الوحشة هي اللي بتصبر على المدرب الأجنبي، وأنا مش باخد رزق حد”.
وأردف: “أنا سكت كتير، وهعمل زي المدرب الأجنبي وهقول دي طريقتي وده أسلوبي، وهشتغل علشان بلدي”.
وأشار: “السوشيال ميديا خربت بيوت كتير، وربنا يخلصنا منها، وإن شاء الله الناس تفرح بالمنتخب”. وشدد على: “أنا راضي عن المنتخب وشكل المنتخب الماتش اللي فات، وأنا هاممني شعب مصر اللي ورا المنتخب”، وأضاف منفعلا: “الجهاز ده وصل كاس عالم من غير هزيمة، وكاس الأمم من غير هزيمة”.