ونجح منتخب مصر فى حصد المركز الثالث ببطولة العين الودية بعد الفوز على كاب فيردى بنتيجة (2-0) بركلات الترجيح.
وقال سيف زاهر فى تصريحات عبر قناة «أون سبورت»: «أما يخص لقطة الشناوى ناس كتير وقفت عندها وأنا عارف إن السوشيال ميديا رايحة بها بشكل كبير».
وأضاف: «أنا حصل تواصل بينى وبين محمد الشناوى شخصيًا بعد المباراة، عشان الناس متضربش مفك بينه وبين شوبير».
وأوضح: “القصة كلها إن محمد الشناوى تغييره كان غير معلن وغير متفق عليه وكان كلامه فى لقطة تبديله لـ كابتن سعفان الصغير مش للجهاز الفنى، بيقوله طب ليه كده أنت بتدى مشهد وتصدر للناس إنى مليش فى ضربات الجزاء».
وأتم: «كان المفروض سعفان الصغير يبلغ محمد الشناوى بقرار تغييره قبل نهاية المباراة، وبعد أقل من 5 ثوانى شوفنا حديث الشناوى مع الكابتن سعفان وبعد لما شاف مصطفى شوبير جمع وسلم عليه وكإن مفيش أى قصة ولا موضوع وبعدها وقف على الدكة وبدأ يتحدث مع مصطفى فى ضربات الجزاء».
وكان محمد الشناوى اعترض على قرار تبديله فى الدقيقة الأخيرة من الوقت الأصلى للمباراة وإشراك مصطفى شوبير بدلا منه.