ألقى الإعلامى أحمد شوبير حارس مرمى الأهلى ومنتخب مصر السابق الضوء على مستجدات موقف أحمد عبدالقادر مع النادى الأهلى مع اقتراب عقد اللاعب من نهايته بنهاية الموسم الجارى.اضافة اعلان
ويحق لأحمد عبدالقادر التوقيع لأى نادٍ فى الشهر المقبل يناير وفقا لقانون بوسمان للاعبين فى ظل نهاية عقده بنهاية الموسم وعدم تمديده مع الأهلى حتى الآن.
وقال أحمد شوبير فى تصريحات إذاعية اليوم الخميس: «أحمد عبدالقادر بيكلموا معاه فى الأهلى وهيقدموا له عرض لو موافق مليون مرحبا مش موافق وعايز يتوكل على الله ويشوف مصلحته مفيش مشكلة فى الأهلى وبراحته».
وأوضح شوبير معلقًا: «لو مشى وساب الأهلى مش عيب يا جماعة أحمد عبدالقادر الأساس عنده عايز يلعب والحقيقة ييس توروب منحه أكثر من فرصة واتعامل معاه كويس جدا عكس ريبيرو إللى مكانش بيجبه بس ريبيرو مشى خلاص وعبدالقادر نفسه لازم يساعد نفسه».
وأضاف شوبير: «عموما هنشوف هيتفق مع الأهلى ولا إيه، وعبدالقادر عنده حرية التوقيع مع أى نادى بدءا من الشهر القادم».