منتخب مصر قدم أداءً جيدًا أمام نيجيريا، في المباراة التي أقيمت بينهما مساء
السبت، في إطار تحديد المركزين الثالث والرابع لبطولة كأس الأمم الأفريقية، والتي
انتهت بفوز نيجيريا بأربعة أهداف مقابل هدفين بركلات الترجيح.
وقال حازم إمام، في تصريحات تلفزيونية عبر
فضائية “أون سبورتس”: “النهاردة كنا ند قوي لمنتخب نيجيريا، خسرنا
المباراة ولكن الجميع سعيد بالأداء، كنا لاعبنا السنغال بهذه الطريقة حتى لو هنخسر”.
وأضاف: “حسام حسن، لازم يبني على بطولة
أمم أفريقيا، الخسارة بتعلمك أخطاءك وبتعلمك تكسب إزاي، أكيد حسام حسن، اكتسب
خبرات كبيرة جدًا وعرف إمكانيات اللاعبين عن قرب أول مرة يقعد معاهم شهر، عمره ما
هيلعب تاني بالشكل اللي لعب بيه أمام السنغال”.
وواصل: “حسام حسن، لازم يعترف إنه غلط
في حاجة، مفيش مكابرة في الكورة، جواريدولا، المدير الفني لمانشستر سيتي خسر من مانشستر
يونايتد، النهاردة وفي المؤتمر الصحفي قال (خسرت المباراة لأن الفريق الأفضل فاز)،
هي مفيهاش حاجة، لا تقلل من قدرك شيئ ولا بتقلل من نفسك ولابتعلي من الفريق المنافس،
لما تلعب وحش قول أنا لعبت وحش ولما تغلط قول أنا غلطت”.