السابق، عن إمام عاشور، لاعب خط وسط الفريق الأول لكرة القدم بالنادي الأهلي، بعد
أزمته الأخيرة وتخلفه عن السفر مع بعثة الأهلي إلى تنزانيا، لخوض مباراة يانج
أفريكانز التنزاني.
وقال مجدي عبد الغني، في تصريحات تلفزيونية
فضائية “الشمس”: “سبب زعل إمام، هو الجهاز الفني للأهلي، وللأسف
الناس بررت النقطة دي غلط، الكابتن أحمد شوبير، قال إن الجهاز الفني للأهلي كان
محضر 3 لاعبين يشوطوا ضربة الجزاء، أول واحد إمام عاشور، تاني واحد زيزو وتالت
واحد تريزيجيه، لكن الجهاز هيحدد مين اللي يشوط خلال المباراة”.
وأضاف: “في مباراة وادي دجلة، احتسبت
ركلة جزاء للنادي الأهلي، إمام عاشور، وضع طبيعي جدًا، راح يمسك الكورة، زي ما أنا
في أي ماتش يتقال إني رقم واحد أول ما بتيجي ضربة الجزاء بمسك الكورة”.
وأضاف: “95% الأهلي بيجيله ضربات جزاء،
مفيش حاجة اسمها إني أخلي الفرقة تنزل أول تيجي ضربة جزاء أقول أثناء المباراة مين
اللي يشوط، مفروض إنت قولت خلاص في المحاضرة”
وتابع: “إمام عاشور، واقف يلعب ضربة الجزاء
لأنه أول واحد اتقال، مفيش حاجة اسمها المدرب يغير من بره، ده بقى يحصل في دورة
رمضانية، قاعدين في القهوة مع بعض نغير، أي حاجة تانية إلا أن في مباراة كرة القدم
وإدارة فنية وفي جهاز فني أجنبي وتيجي تقوله ميسددش ضربة الجزاء وتخلي لاعب تاني
يسددها عشان عايز ثقة! ما إمام عاشور، عايز ثقة برضه”.
وواصل: “إمام عاشور، عايز ثقة أكتر من
زيزو، هو الكباتن الجوهري، لما قال إني أشوط أول واحد في كأس العالم 90، أول ما جت
ضربة الجزاء أنا مسكت الكورة، مينفعش الكباتن الجوهري، كان يقول خدوها من مجدي عبد
الغني، وإدوها لهاني رمزي، دي مش إدارة فنية دي كفتة، لو أنا مش قادر هروح أديها
لتاني لاعب في الترتيب”.
وأكمل: “زيزو، راح باس دماغ إمام عاشور.
وقاله متزعلش، هو فيه كده! ده النادي الأهلي، العالم كله بيتعلم منه. مفروض في
المحاضرة إنت قولت مين هيشوط، وبناء عليه إمام عاشور، مسك الكورة”.