شوبير لجماهير الأهلي: لا أفهم ما يحدث.. وأين شعاركم؟

وجه الإعلامي وحارس مرمى الأهلي المصري السابق، أحمد شوبير، رسالةً قويةً لجمهور النادي الأحمر، اليوم الخميس، عبر حسابه على منصة “إكس”، منتقدًا ضعف الحضور الجماهيري لمباريات الفريق في الفترة الأخيرة.

وقال شوبير: “أنا فاكر كنا في فترة متأخرين بـ 12 نقطة عن متصدر الدوري، وناس كتير قالوا الدوري خلاص ضاع، وكان لسه الدور الثاني.. جماهير الأهلي عملت ملحمة وقفلت المدرجات كل ماتشات الدور الثاني، والنتيجة فزنا بالدوري، وفزنا بكل ماتشات الدور الثاني، واستمرت ملحمة الجماهير مع النادي الأهلي”.

اقرأ أيضًا

حمزة عبد الكريم يقترب من الظهور الأول مع برشلونة

أفشة: ما حدث في الأهلي بعد ضم زيزو طبيعي.. وشيكابالا يتفوق على أبو تريكة

وأضاف: “بصراحة مش فاهم إيه اللي بيحصل دلوقتي.. اللي أعرفه إن لو حتى أنت زعلان من الإدارة أو من المدرب أو أي حد، بس الأهلي بالنسبة لك كمشجع، مش مجرد إنك تتفرج ع الماتش في التلفزيون، ولا تكتب علي السوشيال ميديا.. الأهلاوي بجد اللي يخلي المدرجات تجلجل بـ (بالدم بالروح الدوري مش حيروح)”.

واختتم شوبير: “اللي أعرفه إن الأهلي لما يحتاجك بتكون أول واحد في ظهره، مش شعاركم برضه (جمهوره ده حماه)؟.. طيب فرقتكم دلوقتي أكتر من أي وقت محتاجة حمايتكم ومساندتكم وتشجيعكم.. بس خلاص”.

ويحتل الأهلي حاليًا المركز الثالث في جدول ترتيب الدوري المصري الممتاز، برصيد 36 نقطة، بفارق نقطة واحدة عن الزمالك المتصدر وبيراميدز الوصيف.