ورد مصطفى يونس في تصريحات عبر قناة «Modern MTI» على سؤال: «لم تندم في أي يوم من الأيام على نقد مبالغ فيه أو غير مبني على أساس صحيح وجهته لـ حسن حمدي والخطيب؟ قائلا: «ممكن أكون شديد شوية في مشاعري وأحساسي، وندمان على الأسلوب، لكن مش ندمان على الانتقاد، ولا اللي كنت بقوله، لأني طول عمري مقدرش أقول حاجه مشوفتهاش ومعرفهاش، وأنا داخل المطبخ».
وردّ مصطفى يونس على سؤال: «يعني أنت قفلت فمك عن عدم قناعة؟» قائلًا: «اه».
وعن سؤال: «يعني الكلام اللي أنت رجعت فيه بترجع فيه تاني؟» قال: «لا أنا خلاص بطلت كلام، ولما القرار اتاخد وقبل ما تحصل الزيطة والنيابة والإعلام، أنا كنت أخدت قرار إني مش هتكلم، لأني حسيت إن الكيان بيتهز، وخاصة إن الناس عارفة مين مصطفى يونس، وأنا أعلم ببواطن الأمور داخل النادي.. وأنا لم أدخله منذ سنين».
كما رد على تساؤل: «مفيش غيرك اللي بيعلم الأمور في الأهلي؟» قائلًا: «لا فيه، بدليل حسام غالي اتكلم ومحمد رمضان اتكلم، ولما تجيب حوالي 60 لاعيب في الفترة اللي فاتت كام واحد قعد؟ ولما تموت قطاع الناشئين بعد ما كنا بنصدر لاعيبة لمصر كلها، وأنت معندكش ناشئ، ولما المدير الفني طلب قالوله معندناش.. عندك بدر رجب اشتغل سنة ومشي، وده بيأكد كلامي، وبداية خلافي معاهم كانت على قطاع الناشئين».