وائل القباني: شيكابالا خانه التعبير وتصريحاته فيها نوع من الكبرياء

علق وائل القباني على تصريحات محمود عبد الرازق لاعب نادي الزمالك عقب السوبر الإفريقي حيث قال لبرنامج «بلس90»، المذاع عبر فضائية «النهار»: «خانهالتعبير، مبحبش إن الواحد يكسب بطولة وربنا يكرمه بحس إن التصريحات طالعة فيها نوع من الكبرياء».

وأضاف: «شيكابالا، لاعب جامد جدًا وموهبة جامدة جدًا، إنت كابتن الفريق وحلقة الوصل بين الجهاز الفني واللاعبين،التصريحات اللي بتقولها لازم تبقى مدرك إنت بتقول إيه».

وتابع: «مينفعش عشان كسبت بطولة تقول اللاعب عندي بعشرين، فممكن يجي رد تاني مش حلو، أنا مش عايز حديستفزني ومش عايز ألاقي رد يضايقني، إنت معاك حق افرح لا تقول بعشرين ولا بتلاتين، قول الحمدالله ربنا كرمناببطولة عايزين يارجالة نكمل على هذا المنوال».

وأتم: «ربنا كرمك وكسبت بطولة، لما تفتري وتتكبر ممكن تخسر، ساعتها هتستخبى؟ أنا مش عايزك تستخبى، أنا عايزكتبقى رافع راسك على طول»، مضيفًا: «النادي الأهلي خسر ليه؟ لأنه كان رايح كسبان».