وكان رضا عبدالعال قال في تصريحات تليفزيونية: «جماهير الأهلي واخدين في زيزو أكبر مقلب، وحسام حسن مش هيطلعه من الملعب عشان لبس تيشيرت الأهلي ممكن يطلع محمد صلاح وميطلعهوش، لما كان في الزمالك كان بيكون أول تغير».
وقال عدلي القيعي خلال برنامجه في قناة الأهلي: «رضا عبدالعال قال من سنتين على الهواء إن (مدرب منتخب مصر لو كان اعتمد على زيزو بصورة أساسية كان هياخد بطولة أفريقيا)، يعني دلوقتي المقلب هو اللي شربهولنا من واحد لو كان اعتمد عليه أكتر من كدة كنا خدنا بطولة إفريقيا، لواحد إية اللي أنتو واخدينه لو اتاخد يبقى بيتجامل».
وأضاف: «إنت كنت بتطالب إنه يلعب على طول، تفتكر الناس اللي بتتلقي هذا الكلام رد فعلها هيبقى إية وتقيمها هيبقى إية، رأيي أنا إن في ناس متربصة عمرها ما هتشوف الشربات إلا فسيخ، الفكرة إنه مقتنع بالغلط لإنه مش شايف الصح».
وتابع القيعي: «الكلام ده خطر جدًا، لإن حجم التناقض اللي بيعيشه مع نفسه وكمان عايز الناس تعيشه معاه بيقلب موازين الحقيقة، مينفعش تنقل كلام بمجرد مينتقل الشخص من الرصيف ده لـ ده الكلام يتغير ويبقى عكسه».
واختتم عدلي القيعي تصريحاته قائلًا: «ده بيقول هيطلع محمد صلاح ومش هيطلع زيزو، الكلام ده عكس الماضي كان رضا عبدالعال بيطالب ببقاءه في الملعب وبيطالب بتغير مركزه عشان يكون موجود أساسي مع المنتخب».