شوبير يهاجم اتحاد الكرة بسبب علاء نبيل…

انتقد أحمد شوبير حارس مرمى الأهلي ومنتخب مصر
السابق فكرة التعاقد مع مدير فني أجنبي جديد لاتحاد الكرة المصري خلفا للمدير
الفني الحالي للاتحاد الكابتن علاء نبيل.اضافة اعلان
وقال أحمد شوبير في تصريحات إذاعية اليوم
الأحد: “اللجنة الفنية لاتحاد الكرة هتعقد اجتماع مهم وهتراجع عدد من
القرارات التي تخص مدربي المنتخبات الوطنية وهتضع خطة جديدة للاختيارات، وأنا قرأت
خبر إنهم بيفكروا في مدير فني أجنبي للاتحاد”.
وعلق أحمد شوبير: “أيوه مدير فني أجنبي
هيعمل أيه يعني ما انت جبت فينجادا عمل أيه يعني؟، وانت عندك كابتن علاء نبيل
وحسينا له دور قوي جدا وبيشتغل مع الفرق والبراعم والأكاديميات والاتحادات والمنتخبات
وبيروح هنا وييجي هنا ومموت نفسه وشغال هو ليه لازم أجنبي!؟”.
وتابع أحمد شوبير: “لما يكون عندي مصري
كويس أيه المشكلة يعني خليه ده حتى البلدي يوكل، الراجل بيشتغل وله دور اه فيه
لجنة فنية لاتحاد الكرة لكن في كل الاحوال الراجل كويس”.
وأضاف شوبير: “لازم حد يفهمني أو قولوا
لنا أخفق في أيه عشان نعرف نحاسب المدرب الأجنبي الجديد، عشان نقوله علاء نبيل
أخفق في كده وإحنا عايزين منك كده”.
واختتم شوبير: “وبعدين علاء نبيل كان شغال
كويس وأنت جيت حجمته أمنحه صلاحياته وهتلاقيه بيدي أفضل مما كان كمان”.